هاي اول قصيدة انزلها ليكم اذا عجبتكم ولقية تشجيع وردود هوايه
راح انزل ليكم الأكثر
الخلق وفاطمة
يوم الراد ربك تضوي الأفلاك...............
صوّر كل بهائه بعالم القدره
صاغ النور كله بـﭽلمه من حرفين..........
لن بي هالخلق مستودعه وسره
ولأن هالنور من عزة جلال الله............
أخفاه ابدجانه او ماطلع أمره
الشمس شتشوفها اعيونك تخر للـﮕـاع..........
قابل نور الله تصد له بالنظره ؟!
هاي اشبيك يابه النور من النور...........
بس طبع الورد ينطيك من عطره
ذب عينك عله الدنيه واخذ اعبار................
باوع كيف ربك ينطي العبره
آدم من نظر نور النبي المختار...............
خر ساجد بعد مو شايف الزهره
لمح نور النبي عباله ربه اللاح...............
لو شاف البتوله اشـﭽـان من أمره
لذالك ما قدر يعرفها أي مخلوق...............
بس طه النبي و حيدر أبو العتره
القرون الأولى من ذاك الوكت لليوم.............
لو ما معرفتها انـﭽـان متعسره
نقب بالأحاديث اطلع يا صاح..............
عاين بالروايه و باوع و اقره
تنظر ما تتم بعثة نبي و مرسول..........
إلا وحبها دربه وخاتمة عمره
الذهب مهما حصل ما يختلط بنحاس............
والماي العذب ما ينـﮕلب خمره
اشكثر ﮔـالوها وادم و الحـﭽـي الينراد.............
حب فاطم خمرنه انعرفه بالفطره
او من شرّف قدرها الباري بالميلاد.............
ابد ما عاف فاطم حاوية سره
خلقها بمكرماته و كلشي غير الناس..............
يلن كلشي بجسمها ما سكن حفره
دفتش يا الموالي بـﮕلبك انظر شوف.............
تنظر حبها مالك ﮔلبك بأسره
شتحسّب هاي فاطم مو بشر معتاد...............
هاي الله اصطفاهه وخصها بالعتره
ولون السجده ما صحت لغير الله................
ﭽـان الناس عبدت فاطمة الزهره
خادم السيدة الزهراء"ع"
أبو تراب الأحسائي
1427هجري
موضوع: الخلق وفاطمة 
السبت يناير 19, 2008 11:08 am
